Leynan di conseho di Reino lo keda por lo pronto

WILLEMSTAD – E Comision di Evaluacion di Leynan Hudicial di Reino no a elabora e legitimidad social y politico di e Leynan di Reino di consenso. Tog el a tuma su tarea mas amplio cu a formul’e pasobra el a papia no solamente cu stakeholder sino cu organisacionnan socialmente relevante tambe. A presenta e resultado di e evaluacion diahuebs mainta den auditorio di Universidad di Corsou. Conclusion di mas importante: sigui cu e ehecutacion y implementacion di e Leynan di Reino.

LEY DI REINO DI POLIS

E cuater Leynan di Reino ta trata di e Corte Comun di Husticia, Ministerio Publico (OM), Polis y Conseho pa Mantencion di Derecho. Nan a establece na 2010 ora Antia a stop di existi y e paisnan nobo Corsou y Sint Maarten y e ‘cuerponan publico’ Boneiro, Sint Eustatius y Saba a forma. E palabracion tabata pa evaluanan despues di 5 aña. E punto central tabata e funcionamento di e leynan den practica. For di e raport a sali cu mayoria di e Leynan di Reino (cu excepcion di e ley di Reino di Polis) casi a implementa completamente. Tog a presenta un cantidad grandi di punto di atencion y binti recomendacion, cu den deliberacion cu e diferente parlamentonan mester conduci na tumamento di decision durante e Deliberacion Hudicial di Cuater Pais na december. Tin precupacion pa e seguridad financiero di Corte Comun y Polis. “Pero no a ehecuta un parti di por ehempel e Ley di Reino di Polis tampoco pasobra tabata falta e deseo politico”, Harm Brouwers, miembro di e presidio di e Comision di Evaluacion ta bisa. “Asina e cooperacion entre e paisnan via e Prevision Comun di Polis no a cuminsa cana.”

IDIOMA I KULTURA

E comision den su raport ta pidi atencion special pa e posicion di idioma hulandes den mantencion di orden. Tur legislacion ta na hulandes. Pero hulandes no ta e idioma mas papia bou di pueblo. E comision ta recomenda pa investiga unda den mantencion di orden uso di idioma hulandes no ta estrictamente necesario. Asina e ciudadanonan di e islanan envolvi lo por duna mas comprension di nan propio sistema hudicial.

DERECHO DI CANCELACION

E comision no ta duna un opinion tocante e derecho di canselacion di e Leynan di Reino. Ta palabra e pregunta si den e raport. Tur dos argumento tin nan balor, pero e comision ta haña cu pa concede ta algo pa termino largo. Mientrastanto cu no a cumpli cu e implementacion completo, tin otro prioridad. E Leynan di Reino no ta “graba den piedra” y mester trata di un perspectiva di desaroyo estatal permanente. Riba termino mester por revisa e Leynan di Reino.

Di Ret Karibense,  Autor: Dick Drayer     foto: Dick Drayer