Niñera mericano a falsifica check pa pasa vacacion na Aruba

BOSTON – Un niñera ta wordo acusa di falsifica 65 check pa por a cumpra joyas, holoshi y tuma vacacionnan pa destinacionnan manera Aruba, segun un fiscal federal mericano. Stephanie Fox (30) a keda deteni e siman aki pa a tuma mas di 280 mil dollar di su doñonan di trabou, usando nan checknan. Fox tabata emplea como niñera, di februari 2013 te 2015, te ora cu su doño di trabou a ripara cu e tabata skirbi check riba nan cuenta bancario y falsifica nan firmanan riba e checknan.

DECLARACION DI ADMISION

Durante un entrevista cu detective policial di Boston, Fox a admiti su crimennan cometi. “Ami, Stephanie Fox, a tuma checks di dos victima pa un aña. Esaki tabata riba impulso, como un forma pa sostene un forma di bida cu tabata mas grandi cu esun dimi” Fox a skirbi. Cu e placa, Fox a cumpra por lo menos un cadena di diamanta, y tres holoshi Movado. Ademas e la usa placa cash pa biaha pa Aruba, Bahamas, Hawaii, Cape Cod y Disney World. Tambe e la paga un deposito di 10 mil dollar pa un pickup truck. Bou di ley federal, Fox por sinta un castigo di por lo menos 30 aña, y haya un multa di 1 miyon dollar y mester paga e victimanan nan placa bek. Lesa e articulo original aki.