Un tercera parti di cliente falta pa paga number 2015

ORANJESTAD – Un total di 31% di ciudadano falta pa cumpli cu pago completo di number di auto pa 2015. E ta representa 20923 plachi di number cu ainda no tin e pago di 2015 debidamente riba dje, vocero di oficina di impuesto Meverly Romano a bisa NoticiaCla.com awe mainta. Entre esaki tin cu e cliente no a paga nada ainda di 2015 te na a paga un of mas cuartal. “Pero e no a paga tur cuartal:” Roman a sigui bisa. E aña aki e cifra pues ta poco mas halto cu normal, poni na 1/3 parti di cliente cu no a paga ainda, compara cu añanan anterior unda cu esaki tabata 20%.

UNDA INCUMPLIMENTO TA MAS GRANDI

E incumplimento ta mas grandi den e categoria di plachi A, caminda cu di e total cu tin registra, tin 17.048 plachi cu no tin pago ariba dje, y esey ta representa 25%. Den e categoria aki pues, e incumplimento ta mas halto. Pa e plachi di huur, V, tin un incumplimento di 2797 cu ta 49% di e 4719 v –car cu tin registra. Den categoria D, di e 137 number registra, 64 falta pa cumpli cu ta 46%. Den e taxinan tin 83 falta pa cumpli di e 411 taxinan cu ta registra. Den caso di brommer, di e 1948 registra, 267 falta pa cumpli. Y for di e truknan di diesel, tin 1034, falta 645 pa cumpli debidamente. Na tur e incumplimento, 20923 plachi cu anda mester tin un of tipo di pago pa haci ainda.

CUANTO A CUMPLI

Un total di 69% di cantidad di number registra na belasting pa pago di number, a cumpli cu nan pago manera mester ta. Esey ta nifica cu nan a cumpli cu tur pago di tur cuartal. E deadline pa pago di number di auto a vence pa ultimo cuartal dia 30 di september,