SMAC a entrega relato financiero y celebra esaki despues

ORANJESTAD – Despues cu diaranson merdia nan a entrega e relato financiero na minister di cultura Otmar Oduber, e organisacion di carnaval SMAC a haci esaki publicamente diaranson anochi cu un ambiente festivo. E mandatario mas prome den dia a mustra su aprobacion pa e forma di traha di SMAC, y a elogia cu nan a cumpli cu e exigencianan segun statuut, di keda cla cu e rapport y programa na tempo.

DIA HISTORICO

Randy Thiel den su funcion como presidente a bisa cu esaki ta un dia historico pa Carnaval di Aruba unda cu SMAC ta cumpliendo cu e transparencia cu nan a priminti entregando na Minister, pueblo y gruponan di Carnaval e cuentanan anual di SMAC. Esaki ta e prome cuentanan anual di un organizacion di Carnaval den 60 aña di existencia di nos Carnaval. Thiel a gradici Aldrick Croes cu a yudanan hopi y tambe na Leysner & de Cuba pa cu e cuentanan anual. El a bisa cu a practicamente break even, pero cu ainda tin algun cos cu mester ahusta.