Tyrese a 'steal the show' riba red carpet di 'AIFF 2015'

PALM BEACH - Mientras cu e 'redcarpet' pa e edicion di cinco Aruba Film Festival 2015 tabata pa un cantidad di artista invita, esun cu tur hende tabata warda, tabata e actor Tyrese Gibson, conoci pa su papel den Fast & Furious. Asina cu el a yega, acompaña pa prome minister Mike Eman, esnan presente a ricibi'e cu aplauso y gritamento. Un persona hopi amabel y cla pa saca potret, Gibson a sa di complase tur esnan cu a pidi pa saca potret cune. 

SHAME

A sigui su pelicula cortometrahe 'Shame' den cual e ta actua pero tambe a produci. 'Mi no ta e persona den e pelicula' Gibson a comenta despues di e pelicula. Asina mes, e la splica cu su inspiracion tabata hopi, pero skibi den apenas 11 minuut. Su pasado tabata uno scur, rondona pa hendenan cu problema, alcohol,droga y abuso. Aunke e ta sigura cu e mes nunca no a bay e mal caminda, e tabatin suficiente hende rond di dje, incluyendo su propio mama, cu e la usa como inspiracion pa su pelicula. E personahe cu e ta hunga, ta un persona cu ta corta orea di su casa, huma droga, ta violento y despues ta arepenti di tur e cosnan ey. Gibson na final di e pelicula, a conta mas di su bida, (keda pendiente pa e raportahe ey) y despues a bandona e sala. Gibson ta bandona Aruba diahuebs mainta trempan, contrario na intencion anterior pa tene  algun session di entrevista y topa algun persona.