Sv Britannia Frisian Flag ta habri campeonato fuerte contra FC S.N.

ORANJESTAD - Mayan diahuebs 8 di october 2015 Sv Britannia Frisian Flag lo cuminsa campeonato di AVB 2015/16 contra di e fuerte equipo di San Nicolaas. E equipo di Sv Britannia Frisian Flag a sabi di mantene practicamente e mes un equipo cu algun cambio chikito den su aliñacion. Sv Britannia Frisian Flag mihor conosi como e pumanan di Piedra Plat ta un equipo conosi cu tur aña ta lucha duro pa ta den e prome 4 finalistanan y sigur cu e pretencion di busca e titulo campeonil di Aruba. Directiva y hungadornan sigur e aña aki ta mucho mas mihor prepara cu aña pasa y mas ainda ora nan tur ta bebe e mihor lechi di mundo, esta Frisian Flag. Hungadornan cu e aña aki join e team di Piedra Plat ta: Miguel Gutierrez un hungador cu por hunga defensa y medio campo, Danni Moza cu un trayectoria largo den futbol cu tambe por hunga diferente posicion, Onno Doeland un spits nato, Luuk de Werd un delantero peligroso ariba banda robes y Sven Spikker un delantero cu hopi forsa den ambos pia. E lista di hungadornan di Sv Britannia Frisian Flag ta como lo siquiente; Kendrick Dania y Adrian Donayre den gol, Derwin Donato, Carl Geerman, Miguel Gutierrez, Danni Mozo, Luis Murillo, Rodymar Paesch, Gino Petrocchi, Pierre Estiverne y Theric Ruiz den defensa, Pheadrick Baromeo, Bene van der Biezen, Myron Carrion, Luis Estrada, Jean-Marc Farro, Margin Kock, Renier Paraez y Johnatan Ruiz den medio campo, Onne Doeland, Jean-Claud Farro, Randy van der Heuvel , Luuk de Werd, Marvin Hous, John Lugay, Sebastian Montoya, Sven Spikker y Stanley Valois-Smith den delantero. E staff technico e aña aki ta consisti di; Jose Luis Duran, Marvic Bermudez, Eduardo Loefstop y Frank Velazquez. Directiva y hungadornan ta invita tur e fanatico di bon futbol y especialmente e fanaticada di Sv Britannia Frisian Flag pa bin presencia e wega di mayan diahuebs anochi den stadion Guillermo P. Trinidad y wega di bala lo cuminsa pa exactamente 8'or di anochi y na mes momento Sv Britannia Frisian Flag lo extrena su uniform nobo.