Problema den gabinete hulandes pa motibo di ‘rekentoets’

DEN HAAG – Tin problema den coalicion hulandes pa motibo di e materia ‘rekenen’. Despues di pens'e un poco, partido PvdA a dicidi cu nan kier pa laga e materia aki, conoci como ‘rekentoets’ cay. Motibo ta cu e ta un problema cu ta pone hopi alumno perde nan aña y no gradua di HAVO. E aña escolar aki e rekentoets mester forma parti di e examen final. E decision di PvdA a daña e ambiente den e gabinete awe, segun e corant Volkskrant. E otro corant Telegraaf ta considera esaki como un ‘crisis’ di gabinete.

PVDA TIN PROBLEMA

No tur studiante di MBO por haci rekenen of papia bon. Pero nan mester mehora esaki y lo wordo huzga mas fuerte riba dje. E partido PvdA ta considera e risico mucho grandi cu un grupo grandi di alumno no ta gradua, y como tal kier pa e toets ey ainda no conta den e examen final di HAVO, VMBO y MBO. E mayoria sinembargo di parlamento no ta pro. Y e secretario di estado pa enseñansa Sander Dekker awor ta den un situacion fastioso pasobra su partido si ta sinti cu mester continua cu esaki. 

RECTOR ARUBA

For di Hulanda, rector di Colegio Arubano, Hans Timmermans a reacciona pa NoticiaCla.com awe mainta, bisando cu 'si e noticianan ta berdad, politica di Hulanda no ta haciendo escogencianan hopi cla'. "Personalmente mi ta haya cu pa HAVO, un rekentoets ta bale la pena". Segun Timmermans a splica NoticiaCla.com awe mainta, si e caso aki sigui, e ta nifica cu Aruba tambe mester ahusta su maneho, of dicidi su so pa toch scohe pa e rekentoets, y asina bira e lider riba e tereno aki.  Lesa e articulo completo di Volkskrant aki. Foto cortesia ANPtaatssecretaris Sander Dekker (Onderwijs) © ANP