Agentenan di seguridad ta tira dos atracado mata na St Maarten

CAY HILL- Dos agente di seguridad na e oficina principal di Panamerican Security na Cay Hill na St Maarten, a logra tira dos di e tres atracadornan cu a purba atraca e servicio di courier di placa awe mainta algo despues di 8’or di mainta. Den combersacion cu Alto Comisario di polis di St Maarten, Peter de Witte, el a confirma na NoticiaCla.com cu e dos atracadornan a wordo tira mata y nan curpa tabata tira banda di e oficina mes di Panam, mientras cu e di tres atracado a logra scapa den un auto cora cu tabata basta getint. "E guardia di seguridad cu a wordo alcansa pa un bala ta den situacion stabil", de Witte a sigui bisa. "Nos ta buscando e auto cu e fugitivo ainda" e alto comisario a sigui bisa 

HEFE DI POLIS

Testigonan ocular a logra identifica un di e atracadonan morto como “Salty”. Mientrastanto polis ta buscando e atracador fugitivo. Un agente di seguridad a keda herida y ta wordo atendi na St Maarten medical Center. Segun de Witte, apenas e investigacion a cuminsa y e no por a bisa ken a tira prome, pero a confirma si cu ambos atracado ta morto. NoticiaCla.com ta pendiente pa mas informacion. FOTO CORTESIA St Martin News Networ yJudith Roumou.