Hooyboer: Trabou di maestro ta mal agradecido y no facil

ORANJESTAD - E trabao di maestro no ta uno facil, y hopi biaha e ta sinti "ondankbaar". Asina e mandatario di enseñansa Michelle Hooyboer Winklaar a bisa na ocasion di dia di maestro. Segun e mandatario, e realidad ta cu e rumbo di nos pais ta den gran parti dependiendo di e contribucion di nos maestro, y como tal nos tin cu sigui inverti den profesionalisering y yuda nos maestronan surpasa e reto cu nan ta enfrenta.

DIA DI MAESTRO

Dia 5 di october ta dia mundial di maestro. Awe rond mundo, e trabao di maestro ta wordo reconoci y elogia. Na Aruba, no solamente e dia aki ta wordo dedica na nos educadornan, si no henter un luna yena na actividadnan pa nos maestronan. "E contribucion di un educador kizas no por wordo midi completamente, pero si por wordo aprecia totalmente" e minister encarga cu ensenansa a declara awe.

ENFOKE RIBA VARIOS ASPECTO DI E PROFESION

"E luna aki ta un cu por wordo usa pa focus riba varios aspecto di e profesion, y e instrumentonan cu ta necesario pa yuda maestronan ta mas efectivo." Minister Hooyboer-Winklaar a bisa. “Pabien na un y tur, y Danki pa a skohe e profesion di educador! “ e mandatario a finalisa bisando.