Petshop Just 4 Pet a habri su portanan oficialmente den weekend

ORANJESTAD - Despues di a opera e petshop conoci 'Just 4 Pet' pa 10 aña na Eagle, e propietarionan, famia Ilvia Sophia a habri un version mas grandi, moderno den nan propio edificio na Morgenster, situa banda di funeraria Aurora Funeral Homes. Mientras cu e edifico nobo tabata habri pa un tempo caba, a efectua e apertura oficial diabierna ultimo, y a celebra esaki henter fin di siman, culminando cu un tipo di 'openhouse' diadomingo cu un sin fin di actividad relaciona cu dia di bestia. Diabierna tabatin e tradicional cortamento di sinta, sigui pa un show di cachonan di polis K9, y musica di Jersey Sophia. Den fin di siman actividadnan a sigui, culminando diadomingo cu un openhouse, dino jump, mas show di K9 di polis, y dos seminario gratis di Aruba Dog Academy di e entrenador di cacho Tito Lacle, pa 20 doño di cacho unda cu nan por a siña con pa cana cu nan cacho na leash. Diadomingo mes tabata un dia hopi exitoso, bon bishita pa clientenan bieu y nobo. E facilidad ta brinda, no solamente e servicio di un petshop, sino tambe un pet grooming, y un servicio veterinario.