PetCare ta un concepto diferente di petshop na Aruba

ORANJESTAD – Animal Care Clinic di veterinario Natalie Booi, a haya un ‘baby’ acerca. Diasabra ultimo su consultorio medico a keda expande cu un petshop, cu ta hiba e nomber di Petcare. E ta un concepto diferente di bo petshop comun. De hecho, Booi ta mustra cu Petcare ta consisti di tres pilar. E petshop, pero tambe un grooming section cu tin cu cuminsa ainda, y finalmente un pet hotel (cu ta habri for di juli caba).

CONCEPTO DI PETCARE

E concepto di e petshop, no ta uno normal. E la bin cu algo special, mas practico. E necesidad pa otro tipo di artefacto tabata necesario manera cu Booi a bin ta experencia den su practica medico. E no kier a enfoca riba e parti bunita so, comercial, pero e kier a haci otro cos. “Take care di e cacho den otro cosnan. Dun'e un life vest, backpack, un seatbelt pa cacho etc. Esey ta e focus di e animal."

PETHOTEL

E hotel a keda habri den un forma hopi keto, pero rapidamente e la haya su acohida entre e clientenan mes. E pet hotel por acomoda varios tipo di mascota y tin algo pa tur hende. Segun Booi, aparte di e clientenan regular, tur hende ta welcome pa bishita su lugarnan nobo. E apertura a conta cu tur esnan conoci den mundo di bestia, unda cu tur por a sera conoci cu e petcare.