Disturbio atmosferico a percura pa 38.6 mm di awacero marduga

ORANJESTAD – Manera anticipa, un disturbio atmosferico a pone cu gran parti di Aruba a haya un palo di awacero diabierna marduga, cu a laga cierto lugarnan bou di awa, y crea inconveniencia necesario. Pero segun servicio meteorologico a splica NoticiaClal.com awe mainta, no tur caminda a yobe mes duro. P.e na aeropuerto e la yobe apenas 0,2 mm, siendo cu na e centro Hadicurari, a midi 38.6 mm di awacero, cu ta wordo considera como hopi awa. Na Madiki mes tabatin basta problema atrobe manera potretnan saca awe mainta por testigua.

PRONOSTICO

E pronostico a mustra cu shelo lo tabata bay ta parcialmente nubla cu chens pa algun yobidanan isola posiblemente acompaña

cu lamper y strena . Esaki debi na e disturbio atmosferico cu por a causa mas nubianan y tambe t chens pa awasero durante e fin di siman. Debi na e presencia di horcan Joaquin e biento ta mengua te zwak

pa e siguiente dos dianan.