YES Aruba a presenta nan ‘Sustainable Business Ideas’

ORANJESTAD - Young Entrepreneurs Stichting of Aruba (YES Aruba) recientemente a presenta nan Sustainable Business Ideas seminar. Un evento cu a marca un gran diferencia door di a yuda facilita y stimula sostenibilidad y crecemento di negoshinan aki na Aruba. E evento a tuma lugar na Universidad di Aruba y tawata uno cu gran exito y positivismo. Un gran parti di remarca tawata e variedad di persona nan cu tawata presente. YES Aruba por a mira varios profesional den nan ramo, entrepreneurs y tambe studiante nan cu ta interesa den hiba un Aruba mas sostenibel dilanti.

ORADORNAN

E prome orado di anochi tawata Roy van ’t Veer, kende comparti varios ideanan sumamente interesante pa cu negoshi sostenibel. Roy su meta tawata pa motiva e inspiracomerciantenan cu negoshinan nobo pero tambe negoshinan chikito y mediano cu ya ta existente caba.

Despues cu Roy van ’t Veer a presenta tur su ideanan a continua cu orador international John Loewen kende a comparti con pa hasi di e mihor ideanan un realidad. E la menciona cua stap nan ta necesario y cua risico nan tin. John Loewen ta VP of Operations na Methes Energies Inc. na Canada. John tin experiencia extensivo den e ramo di engineering, technology y finance.

NETWORKING SESSIONS

Manera tur otro evento di YES Aruba, e anochi a caba cu un networking session caminda tawata tin bebida y snacks gratis.