The Ritz-Carlton, Aruba ta organisa e prome evento di Indulge Aruba

PALM BEACH - The Ritz-Carlton, Aruba cu hopi orguyo ta anuncia nan evento culinario nobo pa nos isla, Indulge Aruba. Un evento cu ta tumando lugar diasabra dia 3 di october, Indulge Aruba ta diseña pa ta un celebracion di cuminda y biña na unda cu Aruba su mihor chefnan, incluyendo un variedad di restaurant y compania di biña ta participando. E evento lo tuma lugar riba e hotel su “event lawn” di 4or di atardi pa 9or di anochi, acompaña pa bon musica y premionan espectacular.

Mas cu 20 di Aruba su mihor restaurantnan incluyendo The Ritz-Carlton su BLT Steak y Solanio lo participa, hunto cu Marriott (La Vista Lounge), Divi Resort (Windows on Aruba), Tierra del Sol, Papillon, Taste of Belgium, Margarita Gourmet, Eataly, Azia, Waka Waka, 14 Bis Market Place, Matthew’s, Amuse Bistro, Screaming Eagle, Papiamento Restaurant, The Wine Room, Arion Wine Company, Pepia Est, Romar Trading pa asina duna bishitantenan un oportunidad pa purba diferente cuminda y biña cu ta bai tin riba e hotel su “event lawn”. E evento ta tuma lugar den un temporada perfecto, ya cu e ta den e mesun siman cu Eat Local Aruba Restaurant Week.

“Cuminda por yuda tur hende conecta cu un destinacion na un manera autentico” Stephen Toevs, Executive Chef di Ritz-Carlton, Aruba a menciona. “E evento nobo aki ta promete di bira e prome, pero sigur no e ultimo Indulge Aruba, na unda cu bishitantenan tin e oportunidad unico pa disfruta di e mihor di loke nos dushi isla tin di ofrece den e mundo culinario”.

No perde e oportunidad pa experencia Indulge Aruba 2015 pa solamente 35 dollar. Carchinan ta obtenibel na Front Desk di Ritz-Carlton y muchanan te cu 12 aña ta drenta por nada.