Aruba a subi considerablemente den ranking di FIFA

SUIZA – Aruba a subi 22 puesto riba e ranking mundial di FIFA segun e ultimo lista publica diahuebs na Suiza. De hecho, Aruba a haya un mencion special den e lista mas recien den e seccion di paisnan pafo di e top 50 paisnan, cu a avansa mas hopi. Specificamente, Aruba ta move te posicion 115, cu ta un subida pues di no menos cu 22 puesto. Tur esaki basa riba e ultimo prestacion nan unda cu Aruba a sa di yega basta leu, aunke cu e la cay venci y elimina di e proceso pa mundial di Russia 2018 algun siman pasa. Toch e victorianan recien a haci algo pa move Aruba e 22 puestonan. Argentina ta keda number uno, mientras cu Alemania ta subi na di 2 posicion, y Belgica ta baha un punto te na di tres lugar. Wak e lista completo aki