Cooperacion unico di Fun Miles y Botica di Servicio

ORANJESTAD – Ta un primicia pa Aruba: cu Botica di Servicio pa prome biaha Fun Miles ta yama bon bini na un botica den su programa di spaar. Pa ta mas exacto ta trata di cuater botica, pasobra Botica di Servicio tin filial na Eagle, Maria, Noord y Seroe Preto. Esaki ta bon noticia pa miembronan di Fun Miles, paso for di awor nan por spaar Fun Miles riba tur nan compranan y hopi liher tambe: ocho Fun Miles pa cada AWG 2,50. Esaki ta ocho biaha mas cu normal. Ademas por cambia punto tambe na Botica di Servicio. Y si esaki no tawata suficiente ainda, den luna di oktober Botica di Servicio ta regala ainda mas. Esun cu cambia pa Botica di Servicio den e luna aki, ta ricibi un carchi di Fun Miles gratis cu 1.000 Miles riba dje y tin chens di gana bunita premio.

DOWNLOAD FORMULARIO DI INSCRIPCION

Botica di Servicio ta distingui su mes cu un combinacion di servicio, conocemento, amabilidad y awor pues tambe cu Fun Miles. Pa celebra e hecho unico aki, na luna di oktober Botica di Servicio ta duna tur cu tin. Clientenan nobo cu no tin un carchi di Fun Miles ainda ta haya uno precarga cu 1.000 Miles di regalo. Clientenan nobo por cambia pa Botica di Servicio masha facil na boticadiservicio.com, caminda por download un formulario di inscripcion. Clientenan existente por djis pasa na un di e cuater filialnan pa busca nan carchi di Fun Miles gratis cu 500 Miles.

GANA BUNITA PREMIO

Tur hende cu uza su carchi di Fun Miles na Botica di Servicio den luna di oktober tin chens di gana bunita premio, manera un di e seis estadianan na Hilton, un cena pa dos persona, desayuno y hopi mas. Suficiente motibo pa bishita un di e cuater filialnan. Mas informacion por haya na boticadiservicio.com y tambe riba facebook.com/servicepharmacyaruba.

TOCANTE FUN MILES

Pa mas cu 17 aña caba Fun Miles ta e programa di spaar y cambia punto mas popular den Caribe. Cu casi 150.000 miembro riba cinco isla, Fun Miles a bira parti di comunidad y semper bai ta ofrece oportunidadnan nobo pa trece cosnan divertido na alcance di su miembronan, hunto cu partnernan cu ta varia di supermercado pa aerolinea y di restaurant pa pomp di gasolin. Por spaar Fun Miles na mas cu 150 lugar na Aruba, Boneiro, Corsow, St. Maarten y St. Eustatius, y por cambia nan pa un gran cantidad di producto y servicio gratis. Fun Miles semper ta den spotlight, danki na su campañanan inovativo, eventonan special y su donacionnan caritativo hunto cu entre otro Aruba Lions Club.

MAS INFORMACION TOCANTE FUN MILES?

Tuma contacto cu Fun Miles Customer Service na 588 9947 of bishita funmiles.net of facebook.com/funmiles.