St Maarten formando gobierno nobo caba cu Marlin na cabez

PHILIPSBURG – E ocho miembronan di parlamento cu a vota den un mocion di desconfiansa contra gabinete Gumbs mas tempran na St Maarten y causa e caida di e gabinete ey, ya ta formando un coalicion nobo. E agencia di noticia di e isla, SMN News ta raporta cu ya e miembronan en cuestion a manda carta pa gobernador informando e di e carta di mocion, y tambe cu nan a forma un coalicion nobo caba. Uno cu tin mayoria y cu tin e lider di National Alliance William Marlin como e proximo prome minister di e isla.

FORMACION

E fuente ta mustra cu e gobierno lo consisti di 4 miembro di parlamento di e partido National Alliance, uno di partido Democratico, y di USP, y dos miembro independiente Silvio Matser y Maurice Lake. Nan dos a ‘bula cura’ ora di e votacion den e mocion di desconfiansa. Dos miembro di e fraccion di national Alliance lo bandona nan asiento y bai den e parti ehecutivo. E proceso aki ta den ehecucion pues tin cambionan cu por surgi na caminda. Fuente: SMN News.