DCA: Si mester, ta investiga tur incidente na aeropuerto

ORANJESTAD - Directie Luchtvaart Aruba (DCA) hunto cu ANSA a informa awe mainta cu tur incidente ta wordo investiga dor di e departamento. Y si esey ta e caso, lo por tuma e pasonan necesario pa evita cu esakinan tuma lugar, trahando na un manera proactivo. Asina director di DCA Edwin Kelly a informa den un conferencia di prensa. Asina Directie Luchtvaart hunto cu ANSA kier a trece claridad riba uso di idioma entre controladornan aereo y pilotonan. Esaki como reaccion riba e suseso cu a keda raporta ayera (riba noticiacla.com tambe) cu a hera causa algo catastrofico. 

REGLANAN CLA

Ta asina cu siguiendo reglanan internacional di ICAO e idioma cu pilotonan y controladornan aereo mester comunica cu otro ta Ingles, esaki a wordo anuncia for di juni y a drenta na vigor entrante 1 di september. Naturalmente tin e espacio den casonan excepcional, pa usa Spaño. P'esey, director di Departamento di Aviacion Civil, Edwin Kelly a indica cu tur incidente ta wordo investiga dor di e departamento y si ta e caso lo por tuma e pasonan necesario pa evita cu esakinan tuma lugar, trahando na un manera proactivo.