Sv Britannia cla pa campeonato 2015/16 cu uniform nobo

PIEDRA PLAT - Dialuna anochi den sala Lika Werleman e pumanan di Piedra Plat esta Sv Britannia Hoofdklas a bautisa nan uniform nobo pa campeonato di A.V.B. 2015/16 dilanti un publico sumamente motiva. Presenta tabata Suline Croes Bareño y Franklyn Bareño representante di Bright Bakery, Janeth Cano, Tirso Tromp, Cindy Barrero y Beto Wernet representando Vitamalt/Heineken, , Evelyn Croes y Stefany Hernandis di Sport4All, Wendy de Cuba representando Total Finance, Sr. Raymond Every y Cheryl Coronel representantenan di Frisian Flag/Compra, unda cu den presencia di e staff technico, hungadornan, comision Britannia Lifida, fanaticada y invitadonan a batisa e uniform nobo. Tambe a yam'e bon bini na hungadornan cu a bin pa reforza e Pumanan di Piedra Plat pa campeonato 2015/16 cu ta Danni Mozo defensa, Miquel Gutierrez defensa, Onno Doeland delantero y Sven Spikker tambe delantero. Hungadornan for di propio farm ta Benedicto van der Biezen, Mayron Carrion, Jean Marc Farro, Adrian Donayre, Jean Claude Farro hunto cu hungadornan di experencia manera; Kendrick Dania, Derwin Donato, Carl Geerman, Luis Murillo, Rodymar Paesch, Gino Petrocchi, Pierre Estiverne, Theric Ruiz, Pheadrick Baromeo, Luis Estrada, Margin Kock, Renier Paraez, Johnatan Ruiz, Marvin Hous, John Lugay, Sebastian Montoya y Stanley Valois-Smith. Pa locual ta e staf technico lo consisti di Jose Luis Dura, Mavic Bermudez, Eduardo Loefstop y Frank Velazquez.

Banda cu Sv Britannia ta conta cu un veld di yerbe cintetico e organisacion di Paradera ta conta cu un grupo grandi di boluntarionan cu ta pone nan tempo liber pa por participa den tur e divicionan di tanto Lifida y A.V.B. Sv Britannia kier a gradici tur su sponsernan, fanaticonan, boluntarionan y tur persona of instancia cu ta coopera cu e organisacion di Paradera / Piedra Plat pa promove deporte y especialmente e deport Rey Futbol.

Den e ultimo campeonato tras di lombo Sv Britannia por informa cu tur nan 9 divicionan a clasifica pa play off y a titula campeon den 4 diferente divicion y esey sigur ta un siñal cu un bon trabao ta wordo hasi na Britannia. Desde awor ta invita tur e fanaticada di Sv Britannia pa bin presencia e prome compromiso di campeonato 2015/16 ora Sv Britannia Hoofdklas enfrenta FC San Nicolaas den CD Guillermo P. Trinidad diahueps 8 oktober proximo.