Advertencia di calor pa Aruba extendi atrobe!

ORANJESTAD – Nos tin cu warda un poco mas cu a kere, pa e alivio di biento bolbe. Servicio meteorologico di Aruba a caba extende e advertencia di calor te cu diabierna mainta awor. Y mescos cu prome, e districtonan principal ta Oranjestad y San Nicolas. Esaki ta nifica cu lo ‘sigui’ midi temperatura halto riba diaranson y diahuebs banda di 35 grado celsius na Aruba. E humedad lo ta relativo banda di 70 porciento y lo tin menos biento. Esaki lo trece un temperatura ‘aparentemente’ banda di 38 grado celsius cada dia. E temperatura maximo mes ta anticipa entre 1 pm y 3 pm cada dia.

ACCION DE PRECAUCION

Un advertencia di calor kier men cu un temporada di temperaturanan halto y calor ta wordo anticipa. E combinacion di temperatura halto y humedad halto por causa un situacion cu malesa di calor por ta posibel. Bebe suficiente likido, keda si ta posibel den camber cu aire condiciona. Keda afo fe sol si ta posibel y check riba miembro di famia y bisiñanan si ta necesario. E siguiente advertencia lo ta 1000 am ast diabierna october 2 2015.