Ta busca:Embahadornan pa ARUBA DOET 2016!

ORANJESTAD - E team di ARUBA DOET 2016 ta busca 10 embahadoranan pa bira vocero di e evento ARUBA DOET. ARUBA DOET 2016 lo tuma lugar diabierna 11 y diasabra 12 di Maart 2016. ARUBA DOET ta e evento boluntario mas grandi na Aruba. Na 2015 mas o’ menos 2.800 boluntario a duna un man na 123 trabou di organisacionnan social.

Bo ta orguyoso cu bo a participa na ARUBA DOET 2015? Bo a participa como organisacion social of como boluntario? Bo ta kere e ta importante pa motiva mas organisacionnan social of boluntarionan pa participa na e siguiente evento? E ora ABO ta e persona nos ta buscando! E team di ARUBA DOET ta busca 10 embahador cu kier yuda e team como vocero durante por ehempel e anochinan di informacion y ora di duna un entrevista na radio of television.

Un embahador di organisacionnan social lo wordo puntra pa comparti su experencia cu ARUBA DOET: dor di duna informacion tocante e preparacionnan, e trabao cu a wordo haci y e resultadonan. Tambe lo enfoca ariba e satisfaction cu e evento y e resultadonan pa ambos banda; e organisacionnan social y e clientenan. Nos ta pidi e embahadoranan pa comparti dicon nan lo recomenda e evento aki na otro organisacionnan y kico ta puntonan pa tene cuenta cune ora di organisa e evento. Organisacionnan social por ta fundacionnan, clubnan di deporte, organisacionnan cultural, gruponan di scouts y scolnan. Un embahador di boluntario lo wordo puntra pa comparti su experiencia tocante e contribucion cu el a duna durante ARUBA DOET 2015, con esaki a bai y kico e participacion como boluntario a nifica pa su mes.

Bo ta interesa? Bo kier mas informacion?

Manda nos un mail (info.arubadoet@gmail.com) cu bo nomber, number di telefon y un motivacion cortico. Por fabor skirbi tambe e nomber di e organisacion social/trabao na unda bo a participa. Si bo ta desea di haya mas informacion, tuma contacto cu nos via mail (info.arubadoet@gmail.com )of telefon 582-7666.

Anochi informativo di ARUBA DOET 2016

Diahuebs anochi di 22 di Oktober 2015 e team di ARUBA DOET lo organisa un anochi informativo pa organisacionnan social. E lema di anochi ta participacion na ARUBA DOET 2016. Organisacionnan cu mag di participa na ARUBA DOET ta por ehemplo fundacionnan, scolnan, clubnan di deporte, scouting. Bo ta interesa? Manda nos un mail (info.arubadoet@gmail.com) cu bo nomber, number di telefon y e nomber di organisacion social y nos lo tuma contacto mas pronto cu posibel.