Rey Willem Alexander a completa delegacion Reino Hulandes na U.N.

NEW YORK – E delegacion di Reino Hulandes na Nacionan Uni pa e di 70 session general tabata completo diadomingo cu yegada di S.M Rey Willem Alexander y Reina Maxima. Un dia despues di a presencia e ciere di e 200 aña Reino Hulandes, e pareha real a biaha pa New York pa ta presente na e reunionnan e siman aki. Awe dialuna, Rey Willem Alexander lo dirigi su mes na esnan presente durante un discurso. E ta poni como e di 14 orador awe mainta, despues di presidente di Mozambique. 

DELEGACION COMPLETO

Hunto cu e pareha real, tur 4 prome minister di Reino tambe ta invita y presente. For di Aruba prome minister Mike Eman, St Maarten Marcel Gumbs, Corsou Ben Whiteman y Hulanda Mark Rutte ta invita como parti di e delegacion.

PUESTO NO PERMANENTE

E discurso awe di Rey Willem Alexander ta esun prome di su estilo, y ta prome biaha cu un monarca Hulandes ta hiba un discurso durante e reunion general di Nacionnan Uni. Cu esaki, e ta fortifica e interes cu Hulanda ta duna na Nacionnan Uni, riba e vispera di e eleccion pa un puesto no permanente den comision di seguridad di Nacionnan Uni. Foto cortesia Cas Real.