Mike de Meza: Speculacion riba reunion cu Carvajal ta infunda

ORANJESTAD --Mientras cu Minister Mike de Meza, den un declaracion na NoticiCla a admiti cu e la reuni cu ex general Hugo Carvajal algun tempo pasa, e ta considera e acusacionan y insinuacionan cu ta circulando rond cu su potret (mira e potret aki) , di mala fe.  E mandatario ta clarifica cu for di anja 2009 cu de Meza a wordo sosteni dor di parlamento pa asumi e funcion di minister y especialmente durante di e ultimo anjanan, minister conhunto cu henter gabinete di Aruba a traha dia y anochi pa crea un posibilidad pa un reapertura di erefineria na Aruba. "E refineria tabata e motor di e di dos pilar di nos economia na Aruba," e mandatario encarga cu Energia a declara. "E presencia di e refineria den operacionta ta representa 12% pa 15% di Aruba su economia y ta crea entre 3000 pa 5000 cupo di trabou na Aruba."Durante e ultimo anjanan aki minister Mike de Meza a reuni cu gobiernonan di varios pais y tambe companianan rond mundo den e afan di logra hanja un oportunidad cu lo representa un potencial real pa reanudacion di operacion y procesamento di crudo na e refineria di Aruba. Gobiernonan y companianan di Merca, Mexico, Colombia, Venezuela, Brasil, China, Hulanda, Trinidad y Tobago, Arabia Saudita, Spanja, Inglatera y otro pais nan tabata forma potencial partnernan strategico pa un bida nobo pa e refineria."Den e empenjo di Gobierno di Aruba, mi persona awordo introduci y a reuni cu entre otro señor Hugo Carvajal, como oficial di e gobierno di Venezuela, na mas cu un occacion pa mira si por a hanja e gobierno di Venezuela y PDVSA interesa den e refineria diAruba," minister Mike de Meza di Economia, Comunicacion, Energia y Medio Ambiente a declara. "E reunionan aki semper tabata sincero, transparente y riba un nivel profesional", e mandatario a termina. E acusacionan y insinuacionan di mala fe cu ta circulando riba medionan social ta totalmente infunda. Te aki su reaccion na NoticiaCla diadomingo atardi.