KPA: Homber na Mudanza a muri un morto natural

ORANJESTAD – E homber cu a wordo haya morto na un cas na Mudanza, a muri un morto natural. Asina polis ta raporta awe nochi den un comunicado. Inicialmente tabatin indicacion cu lo tabata trata di un caso inusual, pa cual lo mester a tuma e curpa den beslag. Pero esaki a resulta di no ta necesario. Como tal fiscal Pronk na e sitio a duna e curpa liber mesora.

E MELDING

Tabata awe tardi den careda di 4:30 pm, cu e melding a drenta pa un homber den un cas cu no tabata dunando señal di bida. Na e sitio, Modanza # 5, Polis berdad a topa cu e victima y a avisa e instancianan concerni. Pa 4:51pm, Dr. Lin a constata morto di Felix Rudolf Donata, naci na Aruba dia 20 di november 1955 y tabata biba na e mesun adres. E homber tabata bibando su so den e cas. Cuerpo Policial Aruba y NoticiaCla.com ta expresa palabranan di condolencia na famia di e fayecido.