Prome anochi Caribbean Sea Jazz Festival 2015

ORANJESTAD - E exito di e prome anochi di Caribbean Sea Jazz Festival 2015 tabata sin duda Earth Wind & Fire Experience. Esey no a kita afo cu e otro artistanan cu tambe a presenta e anochi ey, no tabata mes bon of tin biaha porta (pa hopi) te hasta mihor. Manera semper, tabatin algo pa tur hende. Loke sigur ta keda resalta cu e festival aki, ta e empeño pa promove artistanan local y pone nan den un luz internacional, cu tur e meritonan aserca. E aña aki esey no tabata diferente.

ARTISTANAN DI ANOCHI

Esnan local cu a luci riba e prome anochi tabata The Failures, cu aunke no dilanti un publico casi, a sa di mustra cu nan merece di ta den e line up. Fuente tambe a mustra poderoso y asina por a sigui cu e local Delbert Bernabela, cu ultimo tempo ta biba na Europa. Esnan di afo manera Michael Bremo, Roy Hardgroves, the Ploctones y Mike Stern tambe a haci nan cos. Pero tabata Earth Wind & Fire Experience, cu Al Mackay All Stars cu a hala e publico mas grandi. Uno tras di otro, e exitonan tabata resona riba e Renaissance Arena. Cu excepcion di e shuttle service cu a confronta algun reto e prome anochi (a wordo bisa cu esaki lo keda soluciona pa awe diasabra), tur cos a cana hopi bon.

ARTISTANAN INVITA

Awe nochi artistanan invita localmente ta Johnny Scharbaay, Franklin Granadillo Big Band y Robert JeanD'or. Esnan cu ta programa pa presenta internacionalmente, ta Live Xpressions, Roberta gambarini, Jessy J y e dos grandinan Maite Hontelé y Grupo Niche cu ta cera e presentacion. Esnan cu no kier tin problema di parkeer, por haci esaki na Linear Park y coi un di e shuttlecartnan  cu ta core cada 10 minuut hibabo te na e sitio di concierto.