ACTAA: Controladornan di trafico aereo a bringa pa nan derecho

ORANJESTAD - Trahadonan di toren di control no ta buscando aumento di 70% di salario. Asina nan ta laga sa via nan pagina di facebook awe. Nan a reacciona riba e informacionan inicial cu a sali, unda cu tabata papia cu nan ta exigi 70% di aumento di salario. "Trahadonan ta luchando pa nan fair share den ANSA y den niun manera esaki ta yega ni serca di 70%", nan ta bisa. Segun e grupo, nan ta buscando mas bien un aumento di alrededor di 20% cu ta solamente pa yega na salario di posicionan similar na aeropuerto." Ta luchando simplemente pa locual nos merece" nan ta sigui bisa. NoticiaCla.com a busca contacto cu e sindicato STA, pero e presidente Diego de Cuba no tabata disponibel. 

ACCION

Diabierna merdia a bira conoci cu tabatin un accion di morocoi di parti di e trahadonan di toren di control, como protesta riba un negosacion cu tabata tumando lugar riba CAO. Como tal nan a dicidi pa 2 ora pa tene un accion di morocoi, cu tabata inclui cu ora cu e avionan baha, no tabata permiti nan subi, of subi mas laat cu normaal. E accion tabata programa pa 2 ora, cu a cuminsa merdia 12or y caba 2'or di atardi. Keda pendiente pa mas informacion.