Awenochi Caribbean Sea Jazz 2015 ta ranca sali!

ORANJESTAD - Despues di lunas di preparacion a yega e tan spera fin di siman di Caribbean Sea Jazz Festival 2015. Lo habri portanan ya for di 6or di atardi pa asina abo bin gosa di un anochi ameno cuminsando cu un dushi cuminda den e food court. Ta bai tin diferente restaurantnan presente cu lo ofrece bo un tremendo menu. Ademas lo tin un Art Gallery cu un exposicion y opcion pa cumpra un bunita arte.

LINE UP

Pa 7or di anochi lo cuminsa cu The Failures cu lo habri e anochi aki ariba stage Padu. For di e momento aki lo tin un sin fin di presentacion tremendo di bandanan local y internacional. Awe nochi ta toka turno na entre otro Roy Hargroves RH Factor, Earth Wind & Fire Experience Feat. The Al MCKay All Stars como tambe The Ploctones. Lo termina e anochi cu Mike Stern for di ken sigur ta premira un tremendo presentacion.

CARCHI

Si bo no tin bo carchi ainda, pasa cumpra esaki na prijs di pre-benta di $55 prome cu 5pm na Superfood, Plaza Bookshop, Valero Boulevard y Essoville, The Market na Alhambra y tambe riba www.caribbeanseajazz.com. Despues di esaki por cumpra carchi na porta pa $70. Pa nos hobennan te cu 17 aña tin e oportunidad di cumpra nan ticket pa solamente Alf 10 cu ta obtenibel na UNOCA y Cas di Cultura. Bin abo tambe y goza riba dushi musica den un ambiente ameno caminda cu lo tin 3 diferente stage cu mas di 20 presentacion. Por para auto na linear park caminda cu lo tin shuttles ta sali regularmente pa e venue

INFORMACION EXTRA

Pa bo keda bon informa ariba e desaroyonan di Caribbean Sea Jazz Festival 2015, like nan pagina ariba www.facebook.com/CaribbeanSeaJazzFestival y bishita nan website na www.caribbeanseajazz.com pa mas informacion. Un danki special na e patrocinadornan kende nan ta Aruba Tourism Authority, Aruba Airport Authority, Insel Air, Renaissance Aruba Resort & Casino, Tropical Bottling y Divi Resorts.