Candela feroz a destrui restaurant y tire shop

ORANJESTAD – Despues di 3 ora, porfin bomberonan a logra domina e candela cu a kima tanto e lugar di tire na Tarabana conoci como ‘The Tire Shop’ y  e restaurant ‘Casa Vieja’. E candela mes a cuminsa algo prome cu 6’or di mainta, y bomberonan mester a usa 3 unidad di bombero pa traha riba e candela. A tarda basta prome cu bomberonan a logra domina esaki. E candela cu a cuminsa den e tire shop, a bira asina grandi cu den cuestion di rato, a pasa pa pega e lugar banda di dje, esta Casa Vieja, un restaurant hopi frecuenta pa specialmente e colonia latino. Por mira riba e raportahe grafico con e dos lugarnan a keda awe mainta y cu ainda bomberonan tabata traha riba dje.