Interupcion señal di cabel e siman aki pa motibo di e solo

ORANJESTAD - E siman aki, - specificamente entre dianan 25 pa 30 di september-, clientenan di cable ta bai experencia efectonan di solo riba e antena nan di satellite. E servicionan cu ta keda afecta ta Video Analoog y Digital.

INTERUPCION SOLAR

E interupcion durante di transmision di algun canalnan di cable aki ta debi na loke na e interupcion solar (sun outage) cu ta sosode dos bes pa aña. Durante e dianan 26 pa 30 september 2015 e efecto solar (sun outage) mas grandi lo ta riba nos antena nan di comunicacion via sateliet. Esaki lo sosode entre 10’or di mainta pa 5:30 di atardi. Cada interferencia por dura 15 minuut, pero e por varia.

KICO TA UN INTERUPCION SOLAR

Un sun outage ta distorsion na e señalnan di e satellietnan cu ta manda señal pa otro. E interferencia aki ta debi directamente door di e radiacion di e solo. E efecto ta bin debi cu e radiacion di e solo ta bira asina intenso cu e ta domina e señal di e sateliet. Generalmente e “sun outage" nan aki ta sosode den lunanan di februari, maart, september y october. E interupcion ta causa debi cu e comunicacion cu e satellite por kibra completo of parcialmente. E efectonan lo ta cu tin un degradacion parcial di e señal, un aumento den aviso di error of destruccion total di e señal.