Gobierno y rebeldenan di FARC cla pa firma acuerdo di paz

HAVANA (AP) — Presidente colombiano Juan Manuel Santos y e lider di e grupo rebelde mas grandi di e pais, FARC, a anuncia diaranson cu tin un logro grandi den e negoshacion di paz, cu por caba cu e conflicto Latino Americano mas largo. Den un declaracion conhunto for di Cuba, Santos y FARC a anuncia cu nan a surpasa e ultimo obstaculo grandi pa paz, door di yega na un formula di con pa castiga abusonan di derecho humano durante e bringamento sangriento, pa mitar siglo caba.

ACUERDO

Entre e acuerdo, ta poni cu rebeldenan cu confesa na abusonan durante tribunal nan special di pas, lo compensa e victimanan y priminti pa no uza arma mas, y lo ricibi un castigo di labor di maximo di 8 aña, bou di condicionnan specifico, pero no castigo di prison.

SANTOS PA CUBA

Santos a bula bay Havana awe mainta, unda cu combersacionnan tabata tuma lugar pa tres aña caba. Santos a bisa cu FARC a priminti pa de mobilisa e grupo dentro di 60 dia di un acuerdo, cual lo por wordo firma dentro di e proximo 6 luna. Negociado nan ainda mester bin cu un tipo di mecanismo pa rebeldenan desmobilisa, entrega nan arma y provee reparacion financiero pa nan victimanan. Santos tambe a priminti pa laga colombianonan vocifera nan opinion den un referendum, y cu cualkier acuerdo mester haya aprobacion di congreso colombiano. Merca a felicita Colombia mesora pa medio di un yamada di minister di relacionnan exterior John Kerry.

.