- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Tjin-Asjoe: Aruba lo retene posicion lider di turismo ora Cuba ‘habri’
ORANJESTAD - Analysis turistico ta mustra cu Aruba lo retene su posicion di liderazgo den Caribe, unabes Cuba habri como destinacion completo di turismo. Esaki a keda discuti diaranson durante e evento di World Tourism Day, pa CEO di Aruba Tourism Authority, Ronella Tjin Asjoe – Croes. Tjin Asjoe, a menciona como un factor importante den e observacion di trendnan e apertura of posibel apertura di Cuba como destinacion pa turistanan Mericano yega mas facilmente. Segun e CEO, Merca ta keda e mercado number 1 pa Aruba y tur cambio cu por influencia nan escogencia di destinacion ta importante pa Aruba analisa y tene cuenta cune.
CAMBIANDO PAISAHE
Segun TjinAsjoe, Cuba ta cambiando e paisahe di Caribe pa loke ta turismo y aunke tin restriccionnan implementa, 86.996 persona cu nacionalidad Mericano a bishita Cuba den e prome shete lunanan di e aña aki. E inventario di camber di hotel na Cuba ta pa su gran parti all-inclusive y e portfolio di Cuba riba Air BNB ta entre e topnan pa loke ta trata Caribe.
YENA MAS CAMBER
Resumiendo, Cuba lo yena mas camber di hotel y lo emplea mas hende den e industria di hospitalidad. Ora cu e “habri” lo mester observa mas di cerca por ehempel kico su “repeat business” lo bira for di e prome ola di turistanan Mericano cu bishita e pais. E infrastructura cu e pais ofrece turismo lo refleha esaki.
IMPACTO DI CUBA
Caribbean Hotel and Tourism Association (CHTA) a bisa cu ta wordo premira cu e islanan y paisnan mas cerca di Cuba lo sinti e impacto mas grandi ora cu kita e restriccionnan riba biahe. Gobierno di Cuba ta controla casi 100% di tur negoshi y industria riba e isla ainda. Y na final, TijnAsjoe ta mustra cu segun analysis turistico ta mustra cu Aruba lo retene su posicion di liderazgo den Caribe, unabes Cuba habri como destinacion completo di turismo. Mas informacion no a wordo duna specifico riba e topico aki, durante e evento. Den curso di e siman aki lo tin mas informacion cu por duna splicacion riba e tema aki.