Gobierno a ricibi conseho di CAFT riba presupuesto 2016

ORANJESTAD – Gobierno di Aruba a ricibi e conseho di College Aruba Financieel Toezicht riba e prome draft di e presupuesto 2016 di pais Aruba y awor tin cu traha riba dje. Informacionnan confirma cu NoticiaCla.com tin, ta bisa cu for di siman pasa e mandatadio di finanza lo a ricibi e conseho aki y ta trahando riba dje. Awor ta keda na gobierno pa ‘verwerk’ e consehonan den forma di cambio y of contesta di e presupuesto. Y si tin dudas di CAFT, pa kita esaki completamente.

PRESENTACION DI CAFT

Mes momento e siman aki CAFT lo presenta su mes na prensa oficialmente pa medio di un presentacion fin di e siman aki. Lo ta prome biaha cu prensa ta conoce e miembro di CAFT pa Aruba, den su funcion nobo, esta Robert “Chobby” Croes. E ta conoci caba como comerciante y persona activo den clubnan social. Pero awor e ta keda presenta como miembro di CAFT, cu ta un otro bachi. Banda di dje, lo sera conoci tambe cu e secretario nobo di CFT, esta sr Manus Twisk cu ta reemplasa sr Kees van Nieuwamerongen