Advertencia di calor pa Aruba ta sigui pa diaranson

ORANJESTAD – E calor insoportabel cu por a sinti awe na Aruba, sigur parti entre 1-3pm, ta ripiti e proximo dia atrobe. Segun servicio meteorologico, e loke ta conoci como un ‘heat alert’, of advertencia di calor, ta valido te por lo menos diaranson mainta 10’or pa tanto Oranjestad como San Nicolas.

SINOPSIS

Segun meteo, e ‘sinopsis’ ta cu lo tabatin un temperaturan halto diamars te diaranson ta banda di 35 grado celsius na Aruba, cu humedad relativo banda di 70 porciento. Esaki lo trece un temperatura ‘aparentemente’ banda di 38 grado celsius cada dia. E temperatura maximimo ta anticipa entre 1 pm y 3 pm cada dia.

ACCION DE PRECAUCION

Un advertencia di calor kiermen cu un temporada di temperaturanan halto y calor ta wordo anticipa. E combinacion di temperatura halto y humedad halto por causa un situacion cu malesa di calor por ta posibel. Bebe suficiente liquido. Keda si ta posibel den camber cu aire condiciona y keda afo for di solo si ta posibel, y check riba miembro di famia y bisiñanan si ta necesario.