Cacho di douane ta gara varios pasahero cu droga na aeropuerto di Aruba

ORANJESTAD - E cacho di douane recien entrena pa detecta droga, esta Boedha, den dos dia di tempo a logra di gara no menos cu 4 pasahero riba diferente buelo, cu cantidad di droga. E prome tabata diabierna atardi riba buelo di KLM, ora cu a gara dos pasahero ( cu no tabatin nada di haber cu otro) cu droga den nan tas. E droga a resulta di ta marihuana. E cacho a indica na e manehado di douane, cu tabatin algo riba e dos pasaheronan aki. Ora cu e personal di douane a bay check, a resulta cu enberdad riba cada un, a detecta e marihuana cu tabata destina pa Hulanda. Riba diasabra, un biaha mas Boedha a logra detecta otro pasahero, pero e biaha aki riba buelo pa Canada. Aki e cacho a detecta cu e pasahero tabatin substancia illegal tambe. Ora cu douane a bay listra e persona, a haye cu no menos cu 5 paki di cocaina. Un biaha mas ta demonstra cu na Aruba mes por entrena cachonan pa detecta substancia y mas disciplina.