SMOA: Mon Plaisir a genera mas tanto alumno MAVO pa HAVO

ORANJESTAD - E aña aki tambe Mon Plaisir College a genera mas tanto alumno pa havo. Asina e fundacion Stichting Middelbaar Onderwijs Aruba (SMOA) ta bisa den un comunicado awe. Segun SMOA, e ultimo añanan e aporte di e scol ey (Mon plaisir) ta 35%. Por mira mesun patronchi na entrada den e prome aña, esta Ciclo Basico 1. Na Hulanda 45% di alumno di scol basico ta haci e traspaso di havo pa vwo. For di e tabel por deduci cu despues di e test di admision por a admiti 65% di alumno di 6e clas di Mon Plaisir pa prome klas di Ciclo Basico. Di algun scol mas o menos 25% ta haci e traspaso ey, pero pa hopi scol ta resulta cu casi nan no por prepara nan alumnonan di tal manera cu nan por haci e traspaso pa havo-vwo. Naturalmente no ta solamente e calidad di enseñansa ta hunga un papel. Tin scol cu relativamente hopi mucha den un situacion social ‘pober’. Por pronostica consecuentemente cu menos mucha for di e scolnan aki lo bay havo-vwo. E cifranan ta preocupante. Mientras cu na Hulanda 45% di mucha di scol basico ta bay havo-vwo, na Colegio Arubano ta yega solamente 16% for di e scolnan cu ta provee Colegio Arubano na Playa, mientras cu na San Nicolas apenas 10% di e scolnan p'ariba di brug ta logra bay Colegio San Nicolas (havo-vwo).