Ganadornan y perdedornan di debate republicano pa presidencia

LOS ANGELES – Despues di e di dos debate presidencial entre e candidatonan republicano diaranson anochi, tin un miho bista di kico cada ken ta, kico nan ta para pe y pa hopi, ken a gana y ken a perde. Analisis ta mustra cu di e 11 candidatonan cu a presenta den e debate auspicia pa e canal di television CNN, tabatin 4 cu a gana, 5 cu a perde, 2 cu ta duda di nan. Esnan cu a resalta sigur ta e unico dama Carly Fiorina, e ruman di ex presidente Bush, Jeb, e medio cubano Marco Rubio y e gobernador Chris Christie. Donald Trump ta un caso dudoso, aunke cu e la sobrevivi e anochi atrobe. Perdedonan ta Rand Paul, Mike Huckabee, Ted Cruz entre otro. E anochi tabata reparti den dos seccion di 1 ora y mei cada un. Na tur, 3 ora di debate cu tabata basta ‘colorido’. Eleccion presidencial mes ta na november di otro aña. E prome debate di e candidatonan democrata, ta poni pa october proximo. (haya un resumen total di e anochi aki)