Parlamentario ta lanta partido politico nobo

WILLEMSTAD – Parlamentario independiente na Corsou Omayra Leeflang tin su propio partido politico, cu ta hiba e nomber Un Korsou Hustu. Durante un conferencia di prensa diamars, e partido a keda lansa oficialmente. E meta principal di Leeflang, ta pa ‘rescata democracia’. Y pa coincidi cu e fecha di ayera cu tabata ‘dia di democracia’, Leeflang a opta pa lansa e partido riba e fecha ey.

RETIRO FOR DI PAR

Tabata algo mas cu dos aña pasa cu Leeflang a bandona e partido PAR, ya cu e no por a haya su mes den e asina yama BZV, Basis Ziektekosten Verzekering. Y e tempo ey mirando cu e prome minister di e tempo esta Hodge (di PAR) ey a aproba BZV, e tabata cla cu e mester a retira di e partido. E tempo ey e la bay cu su asiento y a keda como parlamentario independiente. Otro aña tin eleccion na Corsou y ta premira cu Leeflang su partido tambe lo participa. Foto cortesia Persbureau Curacao.