Maneho mas rigido pa extension di estadia turistico

ORANJESTAD - Entrante mayan 15 di september 2015 minister di integracion Benny Sevinger ta introduci algun ahustacion den su maneho di extension di estadia turistico pa en particular e categoria di turista cu ta bin Aruba pa permanece na cas di famia. Si nota e cambionan, hopi di nan ta mas rigido cu prome y esey ta indica cu ta actuando cu mas man duro pa frustra casonan di ‘turista’ falso cu ta yega Aruba, segun NoticiaCla.com a compronde.

CAMBIONAN

Entre e cambionan, awor ta responsabilisa e doño di e cas cu tin turista, cu e mester tin suficiente placa pa cubri gasto di e turista(nan).Tambe uno importante ta cu e mester autorisa DIMAS pa tin entrada na e cas pa por controla personalmente. Y asina tin un sin fin mas di reglanan cu a keda adapta y cu ta drenta na vigor entrante mayan, diamars. Por lesa e lista completo aki.