Accidente di trafico fatal na Pos Chiquito

ORANJESTAD – Un accidente di trafico na altura di botica Aloe na Pos Chiquito ta resulta fatal pa e hoben Bruce Arends (24), diasabra marduga 5 or. E hoben tabata e chauffeur den un auto nissan skyline. Pero ora polis a haye, e tabata banda drechi di e auto y no tabata duna señal di bida mas. Den e otro auto (un Hyundai getz) envolvi den e accidente, tabatin un señora pega y herida. Bomberonan a tarda basta pa saca e victima afo. Pa Pa 5 pa 6 di mainta, Dr. Ramathuar a constata morto di Bruce Chayene Arends, cu tabata biba na Savaneta # 362. Fiscal mr. Pronk a laga tuma e curpa den beslag pa mas investigacion. E ta bira e di 4 morto pa 2014. E hoben tabata pasando vakantie na Aruba y ta biba na Hulanda.