Aruparking a desmenti cu lugar pa parkeer pa trahado a caba

ORANJESTAD - No ta berdad cu no tin mas lugar di parkeer pa hendenan cu kier cumpra permiso. E noticia cu lugarnan di parkeer pa esnan cu kier cumpra a caba, tabata eroneo y a keda desmenti awe mainta pa e vocero di Aruparking Sanin Daou na NoticiaCla.com. "Nos tin sigur sigur 200 lugar habri parti pabou banda di Arubus y tin 40 lugar habri den ciudad. Pues e noticia cu a sali no ta berdad" Daou a bisa. "Nos no ta di acuerdo cu nan ta skibi tipo di cosnan asina sin busca informacion corecto prome. E ta trece panico y esey tambe ta trece disgusto unda cu no mester tin" Daou a sigui bisa. 

FALTA DI PERSONAL

E hecho cu no tin suficiente personal, tampoco ta berdad segun Daou. Berdad ta si cu a bisa algun persona warda un rato pasobra tabata drechando y organisando pa no haci fout. Ta diaranson tabatin hendenan cu a tuma liber pasobra tabata slow, pero ayera no tabatin rij. Pues esey no ta berdad segun Daou. Pa e motibo ey tabatin solamente un cahera cu a traha.