Guardian Group Fatum cu business seminar Managing Diversity

ORANJESTAD - Manehando Diversidad ta un tema cu ta hunga un rol importante den cualkier compania. Esaki por ta un reto pa esnan cu ta eherce nan profesion ariba nivel di maneho. Durante e Business Seminar di Guardian Group Fatum, e moderador Prof. Dr. Ryan Peterson lo introduci 4 orador cu lo presenta diferente topiconan cu ta trata e tema: Mahenando Diversidad.

ORADORNAN

E 4 oradornan riba e dia aki lo ta: Drs. Maghalie van der Bunt-George, Human Capital Consultancy, Training and Assessments/Strategy & Operations, Partner Deloitte Caribbean, Mr. David Kock, Abogado na Davidkock legal, Drs. Rignald Martis, Manager Life & Employee Benefits na Guardian Group Fatum Aruba, Dr. Steven Martina, CEO Guardian Group Fatum Caribbean.

INFORMACION

Entre e 4 oradonan, lo wordo presenta diferente informacion interesante manera: Diversidad di e Ley di Pensioen na Aruba y Guardian Group Fatum su experiencia den e ultimo tres aña nan desde cu ela drenta na vigor. Pa asina mantene ‘bo informa di e desaroyonan integral di bo pensioen. Como empleado y tambe dunado di trabou, e ta importante pa bo ta na altura di e parti legal, bo derecho y obligacion desde entrada di e ley di Pensioen na Aruba.

Un topico hopi importante ta maneho di diferente generacion den un organisacion y con ta conecta internamente como un economia creciente, semper nos ta en buskeda di personanan cu ta agrega balor na nos organisacion. Esaki ta trece cune cu nos mester siña maneha nos empleadonan cu ta di diferente generacion. Con nos ta bay haci bon uso di nan potencial, experiencia y experticio?

Siña di e bentahanan di tin diversidad den economia, cultura, tecnologia, educacion, servicio y productonan y con nos mester maneha esakinan conhuntamente.

DATOS

Fecha: Diabierna 18 di September

Lugar: Hilton Aruba Caribbean Resort & Casino

Orario: 2:00pm – 5:00pm (Porta ta habri 1:00pm).

Networking Session: 5:00pm – 7:00pm

Entrada ta gratis. Registracion ta rekeri. (Max. 250 pers.)

No perde e oportunidad aki. Registra awe mes na www.myguardiangroup.com.