Marla Dominguez a ricibi su Power auto

ORANJESTAD - POWER 101.7 FM celebrando su 3 aña di existencia a organisa e campaña ‘HUNGA CU MI’, cu a resulta e campaña di aña regalando un flamante auto SUSUKI SWIFT modelo 2015. E sorteo final a tuma lugar diadomingo 30 di Augustus dilanti un publico hopi grandi ne parkinglot di e radio na Piedra Plat. Despues di a goza henter un dia di diferente actividad, a saca e finalistanan cu a HUNGA pa saca e ganador, cu a resulta Sra. Marla Dominguez.  “Esaki ta un regalo di Dios”, Marla a bisa “Net awo mi auto a kibra y mi tabata sinti cu e premio ey tabata pa mi”. Diamars atardi durante di un agasaho chikito na POWER y entre amigo y famia Marla ricibi su auto for di man di Sr. Marcel Meenhorst di Ultimate Automobile .Y como un gesto unico NAGICO a entrega Marla su polisa di seguro y Printshop a complimente cu su nummerplat. POWER FM ta felicita e felis ganador y ta desea Marla safe drive riba nos careteranan