Caso Babel di ex prome minister Schotte posponi te november

WILLEMSTAD – E caso penal contra ex prome minister di Corsou Gerrit Schotte y su partner Cicely vd Dijs, a keda posponi te dia 4 di november proximo. E caso mester a tuma lugar awe, pero manera a pronostica, esaki no tabata cla pa cuminsa. Informacionnan cu NoticiaCla.com a logra pone man ariba, ta indica cu ministerio publico lo no a keda cla cu interogacion di varios testigo, primordialmente e parti di italianonan.

CASO NA MAART

Tabata na maart ultimo cu corte na Corsou a pone e fechanan di awe pa trata e caso Babel, cu ta trata ex prome minister Gerrit Schotte y su partner Cicely, esta dia 9 y 11 di september. Esaki a keda dicidi den Corte durante e regiezitting di Schotte.

ACUSACION

Ta acusa Schotte di “valsheid in geschrifte (vervalsing van facturen en valse opgave vermissing diplomatiek paspoort), (passieve) omkoping, het witwassen van geld en overtreding van de telecomwetgeving (het voorhanden hebben van zogenaamde ‘jammers’) ten laste gelegd.” Su partner vd Dijs ta wordo acusa di “valsheid in geschrifte (vervalsing van facturen), het witwassen van geld en overtreding van de telecomwetgeving.”

ACTONAN COMETI

Segun ministerio publico, e acusacionnan di e dos sospechosonan a keda comete na Corsou, Merca, Suiza i/of Italia durante e periodo entre januari 2010 y december 2013. Durante un ‘regiezitting’ ta plania por lo general e caso cu lo bai ser trata cu contenido. Corte lo bai indica cuanto tempo e ta kere e mester pa trata e dossier cu e sospechosonan, Ministerio Publico ta indica cuanto tempo e mester pa e requisitorio mientras cu defensa ta indica cuanto tempo e mester pa e pleidooi den nan caso. Tambe defensa por indica durante e regiezitting si e tin mas deseo relaciona cu e investigacion. Defensa por ehempel por indica cuanto testigo nan ke laga scucha na Hues-comisario. Corte finalmente ta bisa cua trabounan di investigacion tin cu tuma luga ainda, y tambe tin cu dicidi ki dia i na unda e tratamento di contenido ta tuma luga y con e programa lo ta hinca den otro