Aruba ta gana pero keda elimina di cualificatorio Russia 2015

ORANJESTAD - Aruba a gana su di dos wega contra St Vincent & the Grenadines den un stadion Guillermo Prospero Trinidad mitar yen, pero ta keda elimina for di e weganan clasificatorio pa mundial Rusia 2015. Despues di a wanta e wega bon y gana pa 2 goal pa 84 minuut, e seleccion nacional di futbol di St Vincent ta hinca nan unico goal. Aruba mester a gana e wega cu por lo menos 3 goal, pa asina surpasa e 2-0 cu nan a perde cune na St Vincent siman pasa. Enberdad nan a gana, pero e score no tabata suficiente pa nan pasa pa e proximo buelta. E prome mitar Aruba tabata hopi agresivo y ya den e prome 4 minuut di wega, a hinca su prome goal. Despues nan a keda ataca y tabata domina e wega den di dos mitar tambe y apenas 5 minuut den e di dos mitar, nan ta bolbe anota. Pero despues, e ultimo mey ora nan ta cay atras y ta cuminsa defende mas y ataca menos. Algun cambio di wega cu a tuma lugar faltando 2 pa 3 minuut pa wega caba, a keda hopi cuestiona. Na final, Aruba ta gana e wega, pero no ta logra pasa pa e siguiente buelta. NOTA: foto di NoticiaCla.com ta ora cu e di dos goal a cay pa Aruba.