Capelo: Dispuesto pa sigui yuda Colegio cu actividadnan social

ORANJESTAD – “Ami tabata e laatste druppel cu a yena e hemchi cu a basha”. Asina Alfredo Capelo, maestro na Colegio Arubano a describi e motibo di e protesta di e alumnonan di e scol diamars mainta. Segun e maestro ta un serie di cos ta sosodiendo na scol cu a conduci na e protesta, y awe mainta e la conoce su culminacion den forma di e protesta. E mes, ta admiti di ‘di un momento pa otro’ a dicidi cu e no por sigui traha mas den e situacion asina, y a tuma su retiro entrante diabierna awor.

DECISION TA DESICIVO

Riba pregunta cu si e decision ta final, Capelo a sigura NoticiaCla.com cu e ta definitivo. Loke si e suseso di ultimo 24 a pone pensa ta, pa keda den un otro capacidad. Como tal ela dicidi cu e ta keda pa yuda den cierto aspecto, manera organisacion di varios evento, pero su retiro como maestro di ‘wiskunde’ ta definitivo.

OTRO MAESTRONAN

E maestro saliente ta desmenti cu tin 8 otro maestro cu tambe lo retira. “No. Tin hopi cu ta disgusta cu e situacion pero no ta asina leu cu nan lo tuma nan retiro” Capelo a bisa. E ta mustra cu su situacion ta diferente, pasobra e tin pensioen caba. E ta traha 10 ora pa siman, y ta traha den cierto forma boluntario. Scucha e entrevista completo aki cu Alfredo Capello.