Tormenta tropical Grace ta e di 7 tormenta cu nomber pa 2015

MIAMI – Grace a bira e di 7 tormenta cu nomber e temporada aki diasabra, pa temporada di horcan den laman atlantico. Den un temporada tipico di horcan, e di 7 tormenta cu nomber ta forma riba 16 di september, pues e ta un poco ‘prome cu schedule’, hasta cu un ‘El Niño’. Diadomingo mainta tempran Grace a crece den forsa gradualmente y tin biento di 45 miya pa ora, mientras cu e ta moviendo west. E lo sigui e direccion aki den e proximo 48 ora, yegando e cuenca di Caribe den 6 pa 7 dia. Meteo di Aruba, mientras ta haci mencion di dje, no ta consider'e un menasa pa nos isla.