Ganadornan di Aruba Short Film Festival 2015 ta conoci

ORANJESTAD - Diabierna ultimo a tuma lugar e segundo edicion di Aruba short film festival. E peliculanan nobo tabata: Awo y pa semper (Lyrick Perez), Sin rastro (Gabriela Croes), Aruba Breeze (Anton Jacobs), Negligencia (Cedric Gei), Heartbreak (Lislaine Bermudez), Dina (Luty Martinez) y Tanto bal (Lislaine Bermudez).

Tambe a ser presenta e pelicula cortometrahe “E Berguensa” dirigi pa Desiree Croes y como actornan principal Safire Croes, Maroushka Cornelie, Shipreke, Ricardo Croes, Lelicia Tromp y Addonsito Croes. E pelicula aki a ser masha gusta pa e publico presente.

Fundacion BEREA a dedica y honra e memoria di Vale Croes dfm. Tambe nos orguyo nacional Faritah Luidens a ricibi e honor cu e merece pa tanto tempo di inspiracion.

Un hurado consistiendo di Dwayne Heronimo, Juan Fransisco Pardo, Faritah Luidens, Nick Nunez, Isa Brown y Ishar Daryanani tabata tin un tarea dificil pa escohe e ganadornan.

Na final di e anochi, e pelicula ganador di hubentud a resulta SIN RASTRO di Gabriela Croes. Miho actor tabata Joshua Calderon (Sin Rastro), miho actris Argelis, miho editor Gabriela Croes y publiekprijs 2015 a bai pa Sin Rastro di Gabriela Croes.

Pa e categoria di pelicula adulto a resulta Heartbreak (semi chahmi). Miho actris Lislaine Bermudez, miho actor Gilmer Croes (Heartbreak), miho editor Semi Chahmi (Heartbreak) y publieksprijs 2015 tabata pa e pelicula Negligencia di Cedric Gei.