Aruparking: A percura pa por lo menos 400 stacionamento gratis

ORANJESTAD – Mientras cu dialuna Aruba ta conoci e concepto di paga pa parkeer. Pero tin tambe cu no kier paga ainda of nunca, y lo kier busca alternativa. Segun Aruparking, e compania cu ta maneha e proceso aki, nan ta consciente cu no tur persona lo scoge pa parkeer den centro di ciudad y paga 2 florin pa ora, p'esey y mes a percura cu tin stacionamento cu por keda habri pa esunnan cu ta scoge pa parkeer un poco mas leu.

ORARIO DI STACIONAMENTO GRATIS

E stacionamentonan cu a scoge pa keda habri lo ta por ehempel luga patras di Oficina di Turismo, Linear Park, dilanti Talk of the Town, patras di Corte, e strip banda di Corte, dilanti y banda di Misa San Francisco y tambe Postkantoor. Aki ta conta cu un cantidad di mas of menos 400 stacionamento social.

Ta trahando riba un posibilidad pa facilita esunnan cu ta scoge pa para nan auto na e sitionan menciona, cual ta un poco mas leu, lo bin cu un sistema di shuttle y lo anuncia esaki asina e keda concretisa.

Mientrastanto dialuna oficialmente ta implementa e sistema nobo di Parkeermeters cual lo regula stacionamento den nos centro di ciudad.

DOS FLORIN PA PARKEER

Cada persona cu kier haci nan compras den nos centro di ciudad awor lo por staciona nan vehiculo seguramente cu un contribucion di 2 florin pa ora. Autonan para riba acera unda peaton lo mester baha riba caminda pa por pasa, un cantidad grandi di incidente y tambe accidente tur lo pasa pa pasado. Entrante dialuna tur auto mal staciona lo mester bay atende cu e consecuencia.

PAGA DEN ESPACIONAN CORECTO!

Pa evita tur inconveniencia staciona den e espacionan indica pa parkeer na blanco y esunnan cu tin un parkeervergunning por staciona nan vehiculo den e espacionan marca na geel den e area designa. Pero pa e personanan cu ta scoge pa no staciona directamente den centro di ciudad, y no tin problema pa staciona un poco mas leu, tin e opcion danki na Aruparking pa parkeer den e 400 espacionan social.