Usher tabata esun grandi di diasabra anochi di CNSJ 2015

WILLEMSTAD - E strea di diasabra di e di 6 edicion di Curacao North Sea Jazz Festival sin duda a resulta di ta e cantante Usher. Un di e forma cu a midi esaki tabata na e atendencia di e publico y e forma con a publico a biba cun'e. John Legend tabata grandi, pero no a haci e mesun impacto cu Usher a haci riba e ultimo anochi di e festival. Y pa finalisa e anochi, Pointer Sisters a hiba esnan di añanan 80 bek den tempo. Aunke e constelacion di e grupo no ta esun 'original', esey no a kita e momento di e grupo. E canticanan tabata mescos, y a hiba hopi hende den pasado. Esnan cu a cuminsa, tabata Stanley Clarke Band, Bettye Lavette, sigui pa esnan mas 'grandi' esta John Legend, y Wyclef Jean. Randy Newman tambe tabata grandi. Pero Usher cu a sigui, sigur tabata esun cu a carga e anochi. Mientras cu no ta conoci si e la sinti su mes malo pa no a presenta algun aña pasa, e la remarca cu e tabata contento cu e tabata na Corsou. 

Den curso di siman, NoticiaCla.com lo tin un compilacion mas extenso di e festival.