Eventonan simultaneao pa pidi pa paz na Playa y sosten na Santa Cruz

ORANJESTAD - Mientras cu na Playa un grupo di persona a uni pa resa pa paz y trankilidad den Parlamento, un otro grupo a opta pa bay na Centro di Husticia na Sta Cruz pa resa y pidi pa sosten moral pa 5 detenido di e disturbio di siman pasa diahuebs. Dos 'evento' teni riba e mesun dia, pa mustra dos causa opuesto. Ambos 'evento' tabata relativamente bishita. Uno mas cu otro, pero no cu un cantidad cu ambos a spera. Esun na Playa dilanti bestuurskantoor mesora a sirbi tambe pa 'entrega' e edificio di parlamento den un estado miho cu e la keda despues di e disturbio di e siman prome. E otro a sirbi pa crea sosten y concientisacion cu tin hende deteni pa algo cu nan no mester ta deteni pe, segun e partido di oposicion. E fotonan ta di e paginanan di facebook di respectivamente premier Mike Eman, y di Evelyn Wever Croes.